Gujarat-ah Congress leh BJP worker intibuai

Assembly inthlan neihna tur, Gujarat-ah party hrang hrangten ṭan an la ngawrh tawh hle. Kar kalta Inrinni zan khan Rajkot-a Congress candidate poster suasam chungchangah Congress leh BJP worker-te an intibuai.

Congress party member-te hian an party candidate poster suasam a nih vanga lungawi loin, Gujarat Chief Minister Vijay Rupani in kawtah an pungkhawm a, BJP worker-te nen an intibuai zui a ni. Buaina chhuakah hian Congress candidate Indranil Rajyaguru-a unaupa chuan hliam a tuar a ni.

Buaina chhuak thunun tur hian police-te tirh nghal an ni a, tiang nen an hnawtdarh thei a ni. Congress worker pathum man an ni bawk.