Mi dang ṭanpui hna hi sakhaw inlehtirna atan hman tur a ni lo : Supreme Court

Supreme Court chuan mi dang ṭanpuina hna leh mi dang tana thil ṭha tih chu thil lawmawm tak a nih rualin, heng thilte hi sakhaw inlehtirna tur hmanruaah hman a ni tur a ni lo tiin, an thil tumte chiang taka enfiah ṭhin a ngai niin a sawi.

BJP hruaitu leh advocate Ashwini Upadhyay-a'n sakhaw inleh khapna siam tura ngenna, petition a thehluh chu Thawhṭanni khan Supreme Court judge, justice MR Shah kaihhruai division bench chuan a ngaihtuah a ni. Bench chuan damdawi leh ei tur hmanga sakhaw inlehtir tura thlem chu thil dik lo tak a nih thu a sawi a ni.

Division bench-a mi, justice CT Ravikumar chuan, "Ṭanpui ngai puih in duh chuan pui ula, sakhaw inlehtir tumin ṭanpui suh u. Inthlem hi thil hlauhawm tak a ni, kan ram danpui behchhan kalh a ni bawk. India rama awm tawh phawt chuan kan tihdan phung leh kan dan angtein an ti tur a ni," a ti.