Delhi Max Hospital-in doctor pahnih ban

Delhi-a Max Hospital chuan an damdawiin a nau piang thar, thi silo thi nia puan chungchangah mawhphurtu doctor pahnih a ban.

November 30 khan Shalimar Bagh-a damdawiinah hian phir, mipa leh hmeichhia an piang a, hian phir-te hi thi saa piang niin an puang a ni. Hemi hnu han nausente hi plastic bag-ah thunin an chhungte hnenah hlan an ni. Mahse a hnuah an vui dawnin a mipa zawk hi a la dam tih a chhungten an hre leh a ni. Damdawiinah tlanpui nghalin, hospital lakah complaint pawh an thehlut nghal a ni.

He thil thleng chhui chiang tur hi Max Healthcare thuneitute chuan an ruat nghal a, an zingah hian Indian Medical Association (IMA) expert pahnih an tel. Pathianni zan khan nausen te thi nia puangtu, doctor pahnih Dr AP Metha leh Dr Vishal Gupta-te chu ban an nih thu an sawi a ni.