Traffic police-te mask vuah turin ngen

Delhi khawpui chhung boruak bawlhhlawh avangin doctor-te chuan traffic police-te chu duty laia hmaituamna, mask hmang zel turin an ngen.

Thawhṭanni aṭang khan traffic police-te pual hian ni thum awh tur health camp buatsaih a ni. He hunah hian nitinin police 500 vel chu diagnostic test hrang hrang neihpui an ni ang.

Traffic police-te chu khawpui chhung boruak bawlhhlawh, khu, khawlum leh vawt tuar nasa ber an ni a, hei hian an hriselna kawngah nghawng ṭha lo a nei thei nia sawiin, doctor-te chuan hnathawh nasat vanga chauhna bakah thawk lama harsatna thlengin an tawk thei a ni, an ti. Hei vang hian traffic police-te chu an duty laia hmaituamna hmang vek tur te, breathing exercise ti ṭhin tur leh, ei tur ṭha leh hrisel ei turte in an chah a ni.