Sorkar laipuiin state hnenah GST share a pe thei rih lo

Union finance secretary Ajay Bhushan Pandey chuan sorkar laipui chuan state-te hnenah Goods and Services Tax (GST) aṭanga an chanpual tur sum chu a pe thei rih lo tih a sawi. Hei hi hripui leng vanga GST aṭanga pawisa lut a tlem vang a ni.

Parliament Standing Committee, Thawhlehnia  neihah hemi chungchang hi Pandey chuan a sawi a, tuna reveneu sharing formula hman mek anga state-te GTS share hi an pek theih rih loh thu a sawi.  GST-a pawisa hmuh tur zat a tlem avang hian state-te chanpual tur pawh la ruahman loh a nih avang hian engtin nge state-te chu an awm tak ang, tiin meeting-ah zawhna a lut a ni. Pandey chuan GST Act chungchang tarlangin, GST-ah hian pawisa hmuh tur zat aia tlem daih a lut a nih chuan he Act hmang hian state-te hnenah compensation pe thei tura siam rem theih a nih thu a sawi.

Finance Ministry chuan Thawhṭani khan sorkar laipuiin finan­cial year 2019-20 atana GST compensation final installment cheng vaibel­chhe 13,806 chu pekchhuah tawh a nih thu a lo tarlang tawh a ni.