Congress kaihhruai eptu party meeting-ah AAP leh TMC an tel

Congress party president Mallkarjun Kharge-a'n nimina eptu party meeting a kohah, an beisei loh takin Aam Aadmi Party (AAP) leh Trinamool Congress (TMC) aiawhte an tel.

Rajya Sabha-a leader of opposition ni bawk, Kharge hian nimin aṭanga neih ṭan, Parliament winter session-ah eptu party-ten BJP kaihhruai sorkar laipui an nawrna kawngah thawhhona ṭha an neih theihna turin meeting hi a ko a ni. Left party, DMK, Rashtriya Janata Dal (RJD), the Nationalist Congress Party (NCP), National Conference leh RSP hruaitute an tel a, an rin loh takin AAP leh TMC hruaitute pawh an rawn tel ve leh a ni.

AAP leh TMC hi Congress kaihhruaia hma laknaah an tel ve ngai lo a, Parliament monsoon session neih takah pawh khan Congress party-in thil a nawrnaah kawngah an inrawlh ve lo bawk. November 29-a Kharge-a'n eptu pawl hruaitute meeting a kohah pawh khan heng party pahnih aiawhte hi an tel lo a, July thlaa eptu party meeting-ah pawh an tel tawh lo bawk.

TMC hian Parliament-a thil nawrna kawngah, Congress kaihhruaia campaign neih chu zawm loin, a hranin a kalpui zawk ṭhin a ni.