Supreme Court Mobile App 2.0 peih fel

Chief justice of India DY Chandrachud chuan feature eng emaw zat dah belhna, Supreme Court Mobile App 2.0 chu peihfel a ni tawh tih sawiin, he app hmang hian law officer leh sorkar department hrang hrangte chuan an case an en thei dawn a ni, a ti.

CJI App 2.0 hi nimin khan Android user-te hman tur chu Google play store-ah download theih tura dah a ni tih a sawi a, IOS user tan kar khat chhungin peih a ni dawn bawk tih a sawi.

Kum 2020 khan Supreme Court chuan court rorelna leh case awmte chu journalist-ten a hmun kalchilh a, an zawh kher ngai loa an en theih turin mobile application hi a siam a ni. Tunah hian changtlung zawkin version thar hi a siam leh a ni.