Rajasthan-ah bawng tawlhrutu kaphlum

Rajasthan-a Alwar district-ah bawng tawlhrutu nia puh mipakhat chu police-ten an kaphlum a, a thurualpui midangte chu an tlanchhe hman.

Superintendent of Police (SP) Rahul Prakash chuan mi 5-7 velin bawng hi tawlhruin, truck-a an phur hmuh a nih thu a sawi. Hemi chungchang hi hi hrilh an nih veleh Police ten an tlanna tur kawng chu an lo dang tih a sawi bawk.

Mahse bawng tawlhrutute hian police-te kawng danna siam chu su chhiain, an kapzui a ni. Police-te hian kap let ve nghalin, smuggler zinga pakhat chu an kap hliam a, a hnuah a hliam tuar loin a thi a ni.