Kum 5 chhungin MP leh MLA lakah case 56 ziaklut

Central Bureau of Investigation (CBI) chuan kum nga liam ta chhungin MLA leh MP lakah case 56 an ziak lut.

Parliament winter session neih mekah, nimina minister of state for personnel, public grievances and pension Jitendra Singh-a'n Lok Sabha member zawhna ziaka a chhannaah hei hi a tarlang a ni. Kum 2019 aṭanga kumin October 31 thleng khan MLA leh MP-te lakah thubuai 56 ziahluh a ni a, heng zinga case 22-ah chargesheet thehluh a ni, a ti.

Minister-in a tarlan danin, kum 2017-a MLA leh MP thubuai siamsak zinga 66.90% chu thiam loh chantir niin, kum 2018-ah 68%, 2019-ah 69.19, 2020-ah 69.83% leh 2021-ah 67.56% thiam loh chantir an ni. Kum nga chhunga MLA leh MP thubuai siamsak tamna ber chu Andhra Pradesh niin, case 10 ziahluh a ni.