Inthlahdah vangin Gurugram Fortis hospital lakah FIR thehlut

Haryana Police-te chuan nimin khan Gurugram Fortis Hospital management chu tunhnaia an damlo enkawl, dengue natna vei a thih chungchangah inthlahdahah puhin, an lakah FIR a ziaklut.

FIR hi IPC section 304 (2) hnuaiah, September thlaa hmeichhe naupang kum thum mi, dengue vanga a thih chungchangah ziah-luh a ni.

Hmeichhe naupang, Adya Singh hi hi Fortis multi super-specialty hospital-a admit a nih aṭanga ni 15 hnuah damdawi-inah hian a thi a ni. Hosptial hian a nu leh pa hnenah damdawi-in awm man cheng nuai 16 an bill avangin sawizui a hlawh hle a ni.

He thil thleng vang hian state sorkar chuan damdawi-in inrelbawl dante chhui chiang turin committee a din nghal a, Fortis hi empanelled hospital list aṭangin a paih nghal bawk. State Health Minister Anil Vij chuan police-te hnenah hospital laka FIR ziaklut tur hian a hriattir a, Haryana Urban Development Authority hnenah hospital hnena ram hmantirna pawh cancel dan ngaihtuah turin a ti bawk a ni.