Srinagar-ah JKLF hotu man

India aṭanga inlakhran duhtu pawl, Jammu and Kashmir Liberation Front (JKLF) chairman Muhammad Yasin Malik chu nimin khan police-ten an man.

Malik hi ni hnih chhung a bibo hnuah, nimina an pawlin Maisuma hmuna lungawi lohna lantir a, UN Military Observers Group in India and Pakistan (UNMOGIP) headquaters pana kawng an zawhnaah a inlan a, police-ten lo manin Kothibag police station-ah an hruai nghal a ni.

Inlakhran duhtute hian Kashmir-a mihring dikna chanvo palzut a ni fo tih sawiin, lungawi lohna lantir nan UNMOGiP headquaters pana kawngzawh hi an huaihawt a ni. Lungawi lohna lantir a nih dawn vang hian Srinagar hmun hrang hrangah pawh khuahkhirhna dan siam a ni bawk.

Hruaitu dang, Mirwaiz Umer Farooq leh Syed Ali Geelani-te chu kawngzawhnaa an tel tur dan nan hian a hmain house arrest-a hren an lo ni tawh bawk a ni.