Kum 10 aia rei thubuai tihkhawtlai nuai ruk a awm

Ramchhunga high court hrang hrangah thubuai kum 10 aia rei tihkhawtlai nuai ruk dawn a awm mek a, heng zingah hian Bombay High Court chuan thubuai tihkhawtlai hi a ngah ber a ni.

National judicial data grid-a a lan dain, kum 2016 kumtawp thleng khan high court 24-ah thubuai tihkhawtlai hi nuai 40.15 a awm a, heng zingah hian kum sawm leh aia rei tihkhawtlai tawh 19.45% a tel a ni.

Data-a tarlan danin, December 7 thleng khan high court 20-ah kum sawm leh a aia rei thubuai tihkhawtlai chu 5,97,650 awm a, high court ṭhenkhat data hmuh tur a awm lo a ni.

Bombay High Court-ah thubuai tihkhawtlai hi a tam ber a, 1,29,063 a awm a ni. Heng zinga 96,596 chu civil case niin 12,846 chu criminal case a ni a, writ 19,621 a awm bawk.

Punjab and Haryana High Court-ah kum sawm aia rei thubuai tihkhawtlai hi 99,625 a awm a, Calcutta High Court-ah 74,315 a awm bawk.