Zu khapin dan loa sumdawnna tihluar ang :CPI-M

CPI-M politburo member Brinda Karat-i chuan rampum huapa zu khapna dan hman a nih chuan dan loa sumdawnna a hluar phah dawn niin a sawi a, zu khuahkhirh a nih theih nan policy mumal tak neih erawh a thlawp thu a sawi.

Bihar Chief Minister leh JD(U) president Nitish Kumar chuan Pathianni khan ram puma zu khap a duh thu hi sawiiin, an party activist-te chu zu in-in nghawng ṭha lo a neih dante mipuite hnena hrilh hre turin alo ti tawh bawk.

Hei hi chhangin, Karat-i chuan zu khap chuan dan loa sumdawnna a tihluar a, hetihlai hian zu thlah zalen chuan khawtlangah buaina a siam thung tih a sawi. Hei vang hian policy mumal tak hnuaiah, mipuite nen ṭang hoa an thawh theih dan tur siam chu an duh tih a sawi. Karat-i chuan an party chuan state sorkar tam zawkin zu policy an hmante chu chhiah lakna hmanrua mai ni a an ngaih thu a sawi a, heng policy-te hi ṭha an lo tih thu leh, zu hmansualna thleng ṭhin do let tura hma lak an duh thu a sawi.