Jammu and Kashmir-ah Pakistan firfiak pathum kaphlum

Jammu and Kashmir-a Handwara district-ah Pathianni zan khan security force-ten Pakistan firfiak pathum an kaphum.

Security force leh firfiakte hi Unisoo-ah an inkap a, firfiak pakhatin hliam a tuar a, civil mi pakhat a thi tel bawk. He thil thleng vang hian buaina a chhuah venthawn thilah Sopore, Baramulla, Handwara leh Kupwara district-ah internet service tihtawp nghal a ni.

State Director General of Police SP Vaid chuan Pathianni zan khan ruahsur leh khawvawt tak hnuaiah J&K Police, RR & CRPF joint team chuan firfiakte lakah beihpui an thlak a, firfiak pathum an kaphlum tih a sawi.