Gujarat-ah pawisa note hlui Rs vbch 50 man

Directorate of Revenue Intelligence (DRI) chuan kar kalta Inrinni khan Gujarat-ah pawisa note thi tawh, Rs 500 leh Rs 1000 note, a vaiin cheng vaibelchhe 50 dawn an man niin Union Finance Ministry chuan a sawi.

Heng pawisa note hluite hi assembly inthlan thawh khatna neih ni, kar kalta Inrinni khan man a ni.

Ministry thuchhuah chuan DRI officer-te leh Central Goods and Services Tax (CGST) unit-te chuan thu an dawn bawhzuiin, Bharuch-a Yamuna Bulding Material hmun an dap a, pawisa note hlui tam tham tak hi an man niin a sawi.

Specified Bank Notes (Cessation of Liabilities) Act, 2017 hnuaiah pawisa thi tawh kawl hi sum chawitir theih an ni a, an chawi zat tur hi an pawisa hlutna let nga thleng pawh a tling thei a ni. He dan hnuaiah pawisa hlui an man kawltute sum chawi tur zat hi cheng vaibelchhe 245 a tling thei dawn a ni.