BJP-in Bengal-a Left Front record la tluk dawn lo

Gujarat-a BJP-in a zawna a ṭum sarihna turin sorkarna an siam leh dawn a, ram chhung hmun danga hetiang dinhmun thleng thei chu West Bengal-a CPI-M kaihhruai Left Front chauh an ni.

Left Front hian kum 1997 khan Congress party hnehin, a ṭum khatna atan sorkarna an siam a, hemi hnu 1982, 1987, 1991, 1996, 2001 leh 2006 inthlanah chak zawn chho leh vekin kum 34 chhung an sorkar a ni. Jyoti Bose chu kum 1997-November 6, 2000 chhung West Bengal chief minister a ni bawk.

BJP hian Left Front ang bawkin Gujarat-ah hian a zawnin term sarih sorkarna an siam thei dawn a, mahse Left Front record siam hi an la tluk thei dawn lo. An term thar hi hmang tluan a, kum 2027 thleng sorkarna an siam pawhin kum 32 chiah a ni pha dawn a ni. Kum 1995 khan BJP hian Gujarat-a ṭum khatna atan sorkar hi siam mah se kum khat leh a chanve chuang, kum 1996, September 19 - March 4, 1998 chhung khan sorkarah an tel lo a ni.