Candidate-in seat pahnihah a chuh tur a ni lo : Election Commission

Election Commission chuan Supreme Court hnenah inthlanah candidate pakhatin constituency pahnih aṭangin a chuh tur a ni lo, a ti.

BJP hruaitu Ashwini Kumar Upadhyay chuan Representation of the People Act of 1951 Section 33(7) in Parliament leh state assembly inthlana candidate pakhatin bial pahnih aṭang chuh a phalsak chungchang chu Supreme Court-ah hian khingin, he dan hi tibo turin a ngen a ni.

Petition thehluh hi Chief Justice Dipak Misra, Justice AM Khanwilkar leh Justice DY Chandrachud awmna bench chuan ngaihtuahin, petition thehluttu Upadhya hnenah a copy hi Attorney General hnenah pawh pe turin a hriattir a ni.

Upadhyay chuan democracy kalphung dik tak chu 'one person one vote' leh 'one candidate one constituency' a nih thu a sawi a, mahse tuna dan hman mekah chuan mi pakhat hian dinhmun pakhat chuh turin consti-tuency pahnih aṭangin a chuh thei a ni, a ti.