Jharkhand CM hlui thiam loh chantir

Special Central Bureau of Investigation (CBI) court chuan Jharkhand chief minister hlui Madhu Koda chu dan loa lungalhthei laihchhuah phalna pek chungchangah thiam loh a chantir. Ani bakah hian coal secretary hlui HC Gupta, Jharkhand chief secretary hlui Ashok Kumar Basu-te pawh thiam loh chantir an ni bawk.

Thiam loh chantir hremna pek tur hi vawiin hian puan a ni ang.

CM hlui Koda leh midangte thiam loh chantir an nihna hi Kolkata-a Vini Iron and Steel Udyog Ltd (VISUL) hnena Jharkhand-a Rajhara North coal block pek a nih dan dik lo taka kalpui a nih chungchang vang a ni. He buaina kaihhnawiha thubuai siamsak pariatte chu court hian bailoa chhuah a phalsak bawk.

Court-ah coal scam chungchang ngaihtuahnaah hian, CBI chuan firm hian kum 2007, January 8 khan Rajhara North coal block hi a dil niin a sawi. Jharkhand sorkar leh Steel Ministry-in VISUL hi a recommend lo chungin, 36th Screening Committee chuan firm hnenah hian a pe tho a ni.

CBI chuan screening committee chairman, Gupta chuan hetih lai Coal Ministry changtu, Prime Minister hlui Manmohan Singh-a lakah pawh Jharkhand sorkarin VISUL hi a recommend lo tih a zep niin a sawi bawk a ni.