Parliament beih champha pualin hriatrengna hun hmang

Nimin kha kum 2001-a firfiakten Parliament an beih champha vawi 16-na a ni a, President Ram Nath Kovind leh Prime Minister Manmohan Singh-te chuan Parliament beih a nih ṭum thi te hriatrengna hmunah pangpar an dah.

President chuan firfiakten Parliament an beih ṭum a, lo bei a, ram tana nunna hlantute chu hriatreng an nih thu a sawi. Huatna leh rawlrala chetna hmanga India democracy tihchhiat tuma beih ṭhin ni mah se, an hlawhtling ngai lo a, an hlawhtlin tir ngai dawn hek lo tih a sawi.

Prime Minister pawhin kum 2001, December 13-a India democracy vawnhimna tura nunna hlantute hnenah zahna a hlan thu a sawi a, an inpekna hi englai mahin theihnghih a ni tawh lo ang, a ti.

Union minister eng emaw zatin zahna pangpar an dah bawk a, an zingah hian Arun Jaitley, Rajnath Singh leh Sushma Swaraj-i te pawh an tel. Prime Minister hlui Dr Manmohan Singh, Congress president Sonia Gandhi, Rahul Gandhi, Lok Sabha Speaker Sumitra Mahajan,BJP hruiatu LK Advani te pawh Parliament compound chhunga hriatrengna hun hmanah hian an tel a ni.