Ni khatah Covid-19 vangin mi 122 an thi

India ramah Thawhlehni khan Covid-19 vangin mi 122 an thi a, he hri kai thar hi mi 3,525 awmin ram pumah hri kai hmuh tawh hi mi 74,281 an tling tawh. Hri vanga thi hi Thawhlehni thleng khan mi 2,415 an awm tawh bawk. 

Maharashtra chu state zingah hri kai tamna ber a la ni chhunzawm zel a; Gujarat, Tamil Nadu leh Delhi-ten an dawt a ni. Maharshtra-ah hian hri kai hi mi 24,427 an awm tawh a, ram puma hri kai zinga 17% chu Maharashtra state khawpui Mumbai-a mi an ni.

Health ministry official chuan hri kai zinga mi 24,385 chu enkawl dam an ni tawh tih sawiin, recovery rate hi 32.83% a nih thu a sawi.