Navy kutah INS Kalvari hlan

Prime Minister Narendra Modi chuan nimin khan Indian Navy kutah Scorpenen-class submarine INS Kalvari a hlan. Hemi puala inkhawm buatsaihah hian Defence Minister Nirmala Sitharaman, Navy chief Admiral Sunil Lanba, leh defence official-te an tel.

PM Modi chuan Navy chu a lawmpui thu sawiin, Kalvari chu 'Make in India' example ṭha tak a nih thu a sawi a, hei hian Navy theihna pawh a tihchangtlun phah dawn a ni, ati. Kalvari hi Indian Ocean-a sea predator, tiger shark hming chawia phuah a ni.

INS Kalvari hi Indian Navy submarine zinga Air Independent Propulsion hmang thuam hmasak ber a ni. AIP system hi atmospheric oxygen tel loa propulsion system tikaltu a ni a, hemi hmang hian submarine hi tui hnuaiah hun rei zawk leh hriat mai theih lohin a awm thei dawn a ni.

INS Kalvari hian heavyweight torpdo 18 thleng a phur thei dawn a, DRDO chuan hemi atan hian specialised torpedo, Varunastra a siam a ni. Kg 1500-a rit, meter 8-a thui torpedo hian km 40 chin a kap thei a ni.

Km 180 china hmelma lawngte kapchhe thei, 18 Exocet Anti-Ship Missile pawh a phur thei dawn a ni. Exocet hi anti-ship missile, France company MBDA siam a ni. Tlema siam danglamin land-based target beihna atan pawh a hman theih bawk.

INS Kalvari hi submarine paruk siam zinga pakhat niin, a dang pahnihte chu siam mek an ni a, kum 1-2 hnuah Navy hnenah hlan hman beisei a ni.