SC-in summer vacation ṭhulh Dress code thar siam dawn

Supeme Court chuan nipui chawlh, kar 7 chhung a neih ṭhin chu kumin atan a ṭhulh dawn. 

Summer vacation hi May 17 aṭanga neih ṭan tur ni mah se, hri leng vanga hun rei tak hna thawk thei loa an lo awm tawh avangin hemi chhung hian video conferencing hmangin hna an thawk dawn a ni. 

Court chuan hri leng avangin judge, lawyer leh legal staff te tan dress code thar a siam bawk. Chief Justice of India chuan hri leng mekah gown leh jacket an hak 

ṭhin chu hri kai theihna awlsam tak nia a ngaih vangin, hri len chhung atan judge leh lawyer-te chu jacket leh gown telloa court-a inlan turin a ti dawn a ni. 

Nimina court-a inlan judge-te pawhin gown leh  jacket-te ha loin; kekawr dum, kawr var leh judicial band an inbel a ni. Solicitor general Tuhshar Mehta pawhin thubuai a ngaihtuahnaah a gown a ha lo.