PM Modi-a'n AIIMS, Nagpur a hawng

Prime minister Narendra Modi chuan nimin khan All India Institute of Medical Sciences (AIIMS), Nagpur a hawng.

AIIMS, Nagpur dinna tur lungphum hi kum 2017 khan PM Modi hian a lo phum tawh a, Rs vbc 1,575 sengin Nagpur-a Wardha Road area-ah sak a ni. Nimina hawnna inkhawm hmannaah hian Maharashtra chief minister Eknath Shinde, deputy chief minister Devendra Fadnavis, governor Bhagwat Singh Kohysari, union minister-te Nitin Gadkari leh Roasahed Danve-te an tel.

Prime Minister hian Nagpur Metro rail project Phase-1 hawng bawkin, Zero Mile Freedom leh Khapri station inkarah rel-ah a chuang ve nghal a ni. Metro project Phase II lungphum pawh a phum bawk. Phase I hnuaiah hian station 36 awmin, km 40-a thui a ni a, a senso hi Rs vbc 8,650 a ni. Phase II thawhna atan hian Rs vbc 6,700 ruahman niin, km 43.8-a thui a ni dawn a, station 32 a awm bawk ang.