MCD inthlana an chak loh hnuah Delhi BJP president a bang

Municipal Corporation of Delhi (MCD) inthlana an chak zawh tak loh hnuah, nimin khan Delhi BJP president Adesh Gupta chuan party hruaitu a nihna aṭanga banna a thehlut. State unit vice president Virendra Sachdeva chu acting president-ah dah nghal a ni.

MCD inthlanah hian Delhi-a rorellai, Aam Aadmi Party (AAP) chuan kum 15 chhung MCD-a thuneihna changtu BJP hi an hneh a ni. Inthlana hnehna an chan hnuah Delhi sorkar chuan khawpui chhung chu zone 12-ah ṭhenin, an party senior leader-te chu zone thum zel enkawl turin a ti a, heng zone-a councillor-te nen an thawkho dawn a ni.

AAP hian MCD-a hnehna an chan hnuah, BJP chuan a game tenawm tak 'Operation Lotus' khel lehin, AAP councillor thlan thar zinga ṭhenkhatte sum hmanga lei tumah a puh a, mahse BJP chuan an puhna hi thu dik lo niin, AAP zawk hian an councillor-te lei an tum niin an puh let.

MCD inthlanah hian AAP hi ward 250 awmah 134-ah a chak a, BJP hi ward 104 ah an chak a ni.