I&B Ministry-in TV channel pahnih tichhuak lo turin hriattir

Union information and broadcasting ministry chuan cable television network rules an bawhchhiat avangin Assamese television channel chu ni thum tichhuak lo tur leh, Gujarati channel chu ni khat tichhuak lo turin a hriattir.

DY 365 TV leh VTV te chu Cable Television Networks (Regulation) Act, 1995 bawhchhia a puh an ni a, hemi chungchang hi inter-ministerial committee in a ngaihtuah hnuah thutlukna hi siam a ni. He committee-ah hian I&B ministry, defence, external affairs, women and child welfare, home affairs and culture aiawhte an tel a ni.

Ministry chuan DY 365 TV hian kum 2016-a programme a tihchhuahah, Assam-a sakhaw lam inthawina thil buatsaihah boruaka nausen an vawrh lai te a tilang a ni. VTV-ah hian Egypt-a fahrah enkawlna hmuna naupang sawisak an nih lai thla tihlan a ni bawk a, hei hi Gujarat-a thleng niin a tarlang a ni. DY 365 TV hi December 15-18 chhung tihchhuah a ni dawn lo a, VTV hi December 17-ah tihchhuah a ni lo bawk ang.