Uttarakhand Medical College-ah Ragging vangin zirlai 44 sum chawitir

Uttarakhand Medical College-a zirlai 44-te chu zirlai lut tharte an tihduhdah vangin hrem an ni a, pawisa chawitir an ni.

College principal Arun Joshi chuan zirlai junior zawkte hian December 9 khan ragging hi tawkin, an zinga pakhat chuan hemi ni vek hian a hnenah report a thehlut tih a sawi. Zirlai puite tiduhdahtu, mi 44 zinga pakhat chu hostel aṭangin hnawhchhuah a nih bakah Rs 50,000 chawi tura tih a ni a, mi dang 43-te chuRs 25,000 ṭheuh chawi tura tih an ni bawk.

He college-a MBBS first-year zirlaite chuan senior student-te hian ṭawngkam mawi lo takin an ṭawngkhum a ni. Anti-ragging committee chuan he thil thleng hi a chhui chian hnuah college thuneitute hnenah report thehlutin, he committee thurawn angin zirlai pui tihduhdahtute chungah action lak a ni tih principal chuan a sawi.