Rahul leh Priyanka Gandhi-te'n Rajasthan-ah Yatra chhunzawm

Congress party hruaitu, Rahul Gandhi leh a farnu Priyanka Gandhi Vadra hoin nimin khan Rajasthan-ah Bharat Jodo Yatra chhunzawm leh a ni.

Rajasthan state hi Bharat Jodo Yatra an neihna state zinga Congress party sorkarna awmchhun a ni a. State chhungah hian ni 17 kalin, km 500 chuanga thui an kal dawn a, December 21-ah Haryana state an lut ang.

Yatra hi Kanyakumari, Tamil Nadu aṭanga nei ṭanin, Kerala, Karnataka, Andhra Pradesh, Telangana, Madhya Pradesh leh Maharashtra state-te an patlang tawh a ni. Yatra tawpna tura ruahman, Kashmir chu nakkumah an thleng dawn a, yatra chhung hian km 3,570-a thui an kal ang.

Congress party chuan Rahul Gandhi kaihhruaia yatra neih mek hi, India ram chanchina politician-in kea kawng zawh a neih thui ber tur a nih thu an sawi.