Covid-19 kai hmuh chhuah thar sing nga chuang awm

Ministry of Health and Family Welfare-in nimina report an tihchhuahah chuan dakar 24 chhungin ramchhung hmun hrang hrangah Covid-19 kai hmuh chhuah thar mi 52,123 an awm tih tarlangin hei hi ni khatah hmuh chhuah tam ber ni a nih bakah sing nga chuang ni khata hmuh chhuah a nih vawi khatna a ni bawk.

India ramah hian Covid-19 kai 15,83,792 an awm tawh a, chung zingah chuan 34,968-in an thihpui tawh a, darkar 24 chhungin mi 775 laiin an thihpui leh a ni. Hri kai mek mi 5,28,242 an la awm.

Hri lengin ziaawm lam pan hleithei lo mah se enkawl dam pawh an tam tawh hle a, nimina report tihchhuahah hian darkar 24 chhungin dama puan mi 32,553 an awm leh a, hei nen hian nimin thleng khan hri kai tawh dama puan mi 10,20,582 an awm tawh. Enkawl dam tawh rate hi 64.43% a tling tawh a ni.

Indian Council of Medical Resarch (ICMR) chuan nimina report an tih­chhuahah darkar 24 chhungin sample 4,46,642 an enfiah tih sawiin, hri len ṭantirh aṭanga nimin thleng khan Covid-19 sample 1,81,90,382 an enfiah tawh a ni. 

ICMR hian ramchhung hmun hrang hrangah Covid-19 test-na tur laboratory pawmpui 1321 a nei tawh a, heng zinga 907 hi sorkar laboratory niin, 414 chu private laboratory a ni thung.

Indian Red Cross Society (IRCS) chuan Khadi and Village Industries Commission (KVIC) hnen aṭangin hmai tuamna nuai 1.80 an lei dawn. KVIC chuan hemi chungchang hi sawiin Red Cross tana hmaituamna an siam tur chu 100% double-twisted hand­crafted cotton fabric a ni dawn tih leh a rawng tur thlengin an tarlang a ni. 

Government laboratory     : 907

Private laboratory    : 414

- Real-Time RT PCR hmanna     : 676 (Govt: 412 + Private 264)

- TrueNat Test kalpuina     : 541 (Govt: 465 + Private: 76)

- CBNAAT Test kalpuina    : 104 (Govt: 30 + Private: 7