Lord Shiva lim ruk bo India-a thawn kir tum

Rajasthan, Baroli khuaa Gateshwar temple-a Lord Shiva lim chu kum 1998 khan ruk bo niin United Kingdom (UK)-ah lak a ni a, mahse he lim hi India rama thawn let dan tur buaipui mek a ni. 

Hindu pathian Shiva lim hi kum zabi pakua hun laia mi daih tawh a ni a,Prathihara style-a siam niin feet 4-a sang a ni. Hun rei tak a chin hriat a nih tawh loh hnuah, UK-a private collector pakhatin he milim hi a lo kawl tih hriat a ni ta a ni. Hemi hnu hian Britain thuneitute leh India official-ten hma an lak hnuah,  collector hian a milim kawl hi kum 2005 khan London-a Indian High Commission hnenah a hlan a, India House-ah dah zui a ni. 

Kum 2017 khan Archaeological Survey of India (ASI) official-te chu milim enfiah tur hian sawm an ni a, anni hian Baroli temple aṭanga  ruk bo ngei kha a ni tih an nemnghet. Shiva lim bakah hian Brahma-Brahmani lim pawh World heritage site, Rani-Ki Vav aṭanga ruk bo a lo ni tawh bawk a, kum 2017 khan hmuh kir leh a ni. Bhagawan Buddha (Bronze statue) pawh ruk bo ni tawh bawkin, kum 2019 August 15 khan kum zabi 17 hunlaia siam Navanitha Krishna (Bronze idol) leh kum zabi 2-a la siam Carved Pillar pawh ruk bo a lo ni tawh bawk a ni.