Rajasthan Governor-in Aug 14-ah Assembly session Ṭan turin hriattir
Rajasthan governor Kalraj Mishra chuan chief minister Ashok Gehlot kaihhruai sorkar chu August 14 aṭangin Assembly session ṭan turin a hriattir. Hemi rual hian session-ah hian coronavirus darh tur venna atan kaihhruaina siamte khauh taka kengkawh turin a ti bawk.
Chief Minister Gehlot kaihhruai Congress sorkar leh Governor hi sorkar thlawptu MLA ṭhenkhat an hel hnuah assembly session neih tur chung changah hun eng emaw chen ngaihdan in ang lo avangin an in nawr tawh a, mahse Nilaini khan cabinet-in August 14 aṭanga assembly session neih a rawtna chu Governor hian a pawmsak ta a ni.
Deputy chief minister hlui Sachin Pilot leh amah thlawptu Congress MLA 18-te CM lakah an hel avangin Rajasthan-a rorellai Congress party chhungah buaina a awm a, Sachin Pilot hi deputy chief minister leh state Congress president a nihna aṭanga ban a lo ni tawh a ni. Congress Party Legislature meeting ṭum hnihah an tel duh loh avangin, Speaker chuan disqualification notice a lo pe tawh bawk.