PCI-in media house 2 hnenah show cause notice pe

Press Council of India (PCI) chuan media house lian pahnih chu advestisement an chhuah chung-changah show cause notice a pe.

Media house pahnihte hian Baba Ramdev-a Pantajali group tihchhuah, diabetes, blood pressure leh natna dang dang tihdam theihna nia sawi advertisement an tichhuak a ni. Heng advertisement chungchangah hian Kerala-based RTI activist leh ophthal-mologist, DR KV Babu chuan complaint thehlutin, Drugs and Magic Remedies (Objectionable Advertisements) Act bawh-chhiatna a nih thu a sawi.

Adverstisement hi Patanjali group marketing arm, Divya Pharmacy tihchhuah a ni. Divya Lipidom, Divya Livogrit, Divya Livamrit Advance, Divya Madhunashini Vati, leh Divya Madhunshini tablet-te chu lung na bakah natna dang dang tihdamna a ni tiin an tarlang.

Complaint an dawn hnuah PCI chuan Press Council (Procedure for Inquiry) Regulations-a Regulation 5(1) hmangin show cause notice hi a pe a ni. Media house pahnihte hi insawifiah turin kar hnih hun pek an ni bawk.