Kuminah heroin kg 14,967 man tawh

Anti-smuggling agency, Directorate of Revenue (DRI) chuan Supreme Court hnenah kum li chhungin ram chhungah ruihhlo, heroin man chu a let tam takin a pung hman tih a hrilh. Kum 2019 khan heroin kg 237 man a ni a, kuminah chuan September thla thleng khan kg 14,967 man a ni tawh.

Covid hri leng zualpui a reh hnuah Afghanistan leh Iran-a international drug mafia-te chuan Pakistan mite thawhpuiin India ram tuipui, boruak leh khawmual kaltlangin ruihhlo tawlhluh an tum nasa hle tih DRI chuan a sawi.

Kum 2019-ah heroin hi kg 237 manin, 2020-ah kg 201 man a ni. Kum 2021-ah kg 3,387 zet man chhoin, kuminah thla kua chhungin kg 14,967 man a ni tawh tih DRI chuan a tarlang.