Bharat Jodo Yatra ni 100 kal tling

Congress party hruaitu, Rahul Gandhi kaihhruaia Bharat Jodo Yatra neih mek chu nimin kha ni 100 an kal tlinna a ni.

September 7-a Kanyakumari, Tamil Nadu aṭanga kal ṭan, Bharat Jodo Yatra hi Jammu and Kashmir-a Srinagar thleng an kal dawn a, an kal chen tur hi km 3,570 a tling. Nimin a ni 100 an kalnaah hian an kal tur chin hmun thuma ṭhena hmun hnih an kal tling tawh a, km 2,800 chuang an kal tawh. An tawpna tur thlen nan hian ni 50 vel hun an la nei a, km 737 kal an la ngai.

Ni 100 an kal chhung hian state pariat - Tamil Nadu, Kerala, Karnataka, Andhra Pradesh, Telangana, Maharashtra, Madhya Pradeh leh Rajasthan-ah district 42 an paltlang a ni. Nimin khan Rajasthan-ah Dausa hi an nei mek a, Rajasthan aṭang hian Haryana, Uttar Pradesh, Delhi leh Punjab-te an kal leh hnuah Jammu and Kashmir an lut ang.