J&K-a army camp bulah mi 2 kahhlum vangin lungawi lohna lantir

Jammu and Kashmir-a Ranjouri district-a army camp bulah tualchhung mi pahnih kahhlum ruang hmuh a nih avangin nimin khan Poonch-Rajouri highway bulah mipuiten lungawi lohna an lantir.

Sipaite chuan ruang hmuhte hi firfiakte kahhlum niin an sawi a, hetih lai hian mipuite chuan an thih dan hi chhuichian an phut a ni. Ruang an hmuhte hi Rajouri district mi ve ve, Kamal Kishore leh Shalinder Kumar-te an ni.

Police-te chuan mi pahnih kahhlum takte hi army camp bula hna thawk ṭhin niin an sawi a, nimin zing dar 6 vel khan army camp main gate bulah kahhlum an ni, an ti. Mitthi chhungte leh mipuite chuan an thihnaah hian sipaite chu mawhphurhtuah an puh a, sipaite silai hmehpuahah a thi niin an sawi a ni.