India ramah Covid-19 hri kai mek 3,552 awm

India ramah Covid-19 hri leng a reh ṭan mek a, nimin khan ram pum huapin hri kai mek, active case 3,552 chauh an awm tawh.

Union health ministry-in an tarlar danin, Inrinni khan hri kai hmuh chhuah thar 176 an awm a, heng mite nen hri kai hmuh tawh chu mi 4,46,75,952 an tling tawh. Inrinni vek khan hripui vanga thi mi panga awm lehin, Covid-19 hri thihpui hi mi 5,30,672 an tlingtawh a ni.

Hri kai mek hi hri kai hmuh tawh aṭangin 0.01% an ni a; hri kai enkawl dam, recovery rate hi 98.8% a ni a, Covid-19 hri thihpui hi 1.19% a ni thung.

Ministry in a tarlan danin, nimin zing dar 8 thleng khan ram pumah Covid vaccine dose vaibelchhe 220 pek chhuah a ni tawh.