EC-in hriattirna pek a sut leh

Election Commission of India chuan Congress President Rahul Gandhi-an Gujarat assembly inthlan neih dawna TV channel-a interview a neih avanga model code of conduct bawhchhiaa puha hriattirna a pek chu a sut leh.

EC hian model code of conduct bawhchhiaa puh a nih chungchang insawifiah turin Rahul Gandhi hi a hriattir a ni. Mahse hriattirna pek a nihna chhan hi ennawn leh mek a nih tih sawiin sut leh a nih thu a sawi.

Rahul Gandhi hnena insawifiah tura hriattirna pek a nih hnuah, Congress party chuan Prime Minister Narendra Modi leh BJP hruaitu dangte pawhin dan an bawhchhia nia sawiin, anni hnenah hriattirna pek a nih ve loh avanga an lungawi loh thu an sawi a ni.