BPL pension tihpun tum

Prime Minister Narendra Modi-a kaihhruai NDA sorkar chuan Below Poverty Line (BPL) member, kum 60 chunglam leh rualbanlo hnena pension a pek ṭhin chu tihpun a tum.

NDA sorkar hian BPL member, kum 60 chunglam leh rualbanlo hnenah hian thla tinin pension Rs 200–1,000 a pe a, hei hi Rs 1,600 ah tihpun a tum a, a punna ṭhenkhat hi state tumtir tum a ni bawk.

BPL pension hi National Social Assistance Programme hnuaia kalpui a ni a, sorkar laipui chuan kum 2014 khan mi maktaduai 31 vel hnenah pein, cheng vaibelchhe 9,300 vel a seng a ni. BPL pension kum 60-79 bakah, hmeithai kum 40–59 leh rualbanlo kum 59 hnuai lamah pek an ni, kum 60 an tlin hnuah chuan old age pension hi an la ve leh a ni.

Sorkar laipui chuan a thawh khatnaa pension pekah hian state sorkar a tum teltir lo a, mahse state ṭhenkhat chuan an lo belh sak a ni. A thawh hnihna leh thumnaah chuan a inzatin an tum a, mahse rural development ministry chuan sorkar laipui leh state sorkarte hian 60:40 a intum sem turin rawtna a siam a ni.