Mumbai-a dawr kangah mi 12 thi

Mumbai-a Khairani road-a dawr pakhatah nimin zing khan kangmei a chhuak a, mi 12 an thi.

Kangmei hi zing dar 4.30 vela chhuak a ni a, Sakinaka police station-a sub-inspector A Dharmadhikari chuan kangṭhelhtu 25 tirh nghal a nih thu a sawi. Dawr chhunga riak mi 12 an kanghlum a ni.

Police-te chuan kangmei chhuah chhan hi an chhui chiang nghal tih an sawi.

Pathianni tlai kahn Navi Mumbai-ah TTC area-a chemical unit-ah kangmei a chhuak bawk a, thi leh hliam erawh an awm hriat a ni lo.