Prime Minister -in cyclone Ockhi tlehna hmun a tlawh

Prime Minister Narendra Modi chuan nimin khan tunhnaia cyclone Ockhi tlehna, Tamil Nadu, Kerala leh Lakshadweep a tlawh.

PM Modi hian Kavaratti, Kanyakumari leh Thiruvananthapuram tlawhin, thlipui tlehin chhiatna a thlen dan te, chhanchhuah hna thawh dante a sawipui a ni. PM hian a kalchhuah hma hian sorkar chuan uluk takin thlipui tuarte chhanchhuah leh chhawmdawl hna thawh dan chu a lo thlithlai reng thu a sawi.

Cyclone Ockhi tleh hian chhiatna nasa tak a thlen a, Kerala-ah chuan mi 70 in nunna chanin chin hriat lohin mi 105 an la awm.