Air quality ṭhat loh chuan school khar turin hriattir

National Green Tribunal chuan Delhi sorkar hnenah khawpui chhunga boruak bawlhhlawh lamin emegency level a thlen chuan school-te khar tir nghal turin a ti a, naupangte chu boruak bawlhhlawh an hip tur lakah veng turin a ti.

NGT chairperson Justice Swatanter Kumar kaihhruai bench chuan AAP sorkar hnenah, an rawtna siam hi ngaihtuah tur leh, boruak bawlhhlawh avanga harsatna an tawhte chinfel dan ruahmanna an siamah pawh telh turin a ti a ni.

Hetihlai hian Delhi sorkar aiawh, advocate Tarunvir Singh Khehar chuan naupangte zirnain a tawrh dawn vangin hei hi thil tih harsa tak a nih thu a sawi. Khehar chuan thlasik hunlai thla thum chhung chuan air quality chu a ṭha lo a, mahse hemi chhung zawng school khar a nih chuan zirlaiten an syllabus an zo thei dawn lo a, exam hun thlengin sawn a ngai dawn a ni, a ti.