Karnataka Assembly-a Savarkar thlalak tar eptuten an duh lo

Karnataka-a BJP sorkarin state assembly chhungah Hindutva icon, Veer Savarkar thlalak a tar chu eptu party-te chuan duh loin lungawi lohna an lantir.

Eptu party-te hian assembly winter session ṭan dawn ni, nimin khan Sarvarkar thlalak tar duh lohna hi an lantir a, Congress leader leh leader of opposition Siddaramaiah chuan thlalak tar chungchangah eptute rawn an ni lo a, inhnialna chawk chhuak thei tak thlalak tar a ngaihna chhan chu BJP sorkar a zawt nghal bawk. "Session-ah hian eirukna thleng chungchang kan sawichhuak ngei dawn tih an hria a, boruak dang siam a, rorel inkhawm neih tur tihbuai a nih theihna atan hetiang zawng hian an che a ni," a ti.

Siddaraimah chuan Assembly speaker hnenah an lungawi lohna thu hi thlenin, hetianga thlalak an dah dawn a nih chuan Valmiki, Basavanna, Kanaka Dasa, BR Ambedkar, Sardar Vallabhbhai Patel leh mi dang thlalakte pawh tar tel turin a phut bawk.