Gujarat-a MLA thar 14 ten thubuai an nei

Gujarat Assembly inthlan neih zawh taka MLA atana thlan thar 47 te chu thubuai nei lai an ni.

Association for Democratic Reforms (ADR) leh Gujarat Election Watch-in candidate-te affidavit a zirchianna aṭangin, BJP MLA thlan 18 leh Congress MLA 25 te chu thubuai nei, an thubuai tihkhawtlai lai a ni thu tarlan a ni.

MLA thubuai neilai hi kum 2012 inthlan aiin an tlem zawk a, hetihlai hian MLA thar zingah hausa tawntaw, crorepati erawh an pung thung. BJP MLA 84 leh Congress MLA 54 te chu cheng vaibelchhe chuang nei, crorepati an ni.

MLA thar-te thil neih zat hi chawhrualin mi pakhatin cheng vaibechhe 8.46 nei ang a ni. MLA atana thlan nawn 81 awmin, heng MLA thlan nawnte hausakna, kum 2012 aṭanga 2017 chhunga a punna hi 45% a tling niin an tarlang bawk.