RK Nagar assembly by-election nei

Tamil Nadu chief minister hlui J Jayalalithaa-i bial thihsan, RK Nagar-ah nimin by election neih a ni a, candidate 59 an awm.

Chief Electoral Officer-in a tarlan danin, by-election neih tura chuh tuma nomination thehluh hi 72 an awm a, heng zinga 13 erawh chu an inhnukdawk leh a ni. Candidate 59 zingah hian hmeichhe candidate pakhat a awm.

Candidate langsar zualte chu AIADMK aṭangin E Madhusudhanan, DMK candidate N Marudhu Ganesh bakah independent-a chuh AIADMK hruaitu hlui TTV Dhinarakan leh BJP candidate K Nagarajan te an ni. Inthlan result hi December 24 ah puan a ni ang.

By-election hi April 12-a neih tura tih kha a ni a, mahse inthlan campagin-naah vote zawnnan sum sem nasat a nih thu report a awm avangin sawn hlat a ni.

Nilaini khan Dhinakaran-a lamṭang pakhat chuan damdawi-in Jaya-i a awm lai video a tichhuak a, hei hi TV channel-ah tihchhuah a nih hnuah social media lamah a darh zui nasa hle. Election official-te chuan he thil hi model code of conduct palzutna a nih thu sawiin, TV channel-te chu tichhuak tawh lo turin a hriattir nghal a ni. RK Nagar Assembly Returning officer pawhin video tichhuaktu, Vetrivel lakah complaint a thehluh bawk.