Parliament-ah Triple Talaq bill pharh dawn

Union Parliamentary Affairs Minister Anath Kumar chuan Muslim mipaten an nupui an ṭhen theihna dan pakhat, Triple Talaq chungchanga bill siam chu vawiin hian Parliamaent inkhawmah pharh a ni dawn tih a sawi.

Triple Talaq hi Muslim inṭhenna dan chi khat a ni a, mipaten an nupuite hnenah Talaq tih hi a zawna vawi thum an sawi chuan an ṭhen nghal thei a ni. He dan hian sawisel a hlawh hle a, August thla khan Supreme Court chuan triple talaq hmanga inṭhenna chu awmze neilo leh dan kalh, ram danpui nen pawha inkalh a nih thu a sawi a ni.

December 15 khan cabinet chuan Muslim hmeichhiate humhalhna tur, Muslim Women (Protection of Rights on Marriage) Bill, 2017 siam rawtna chu lo pawm tawh a, he bill hnuaiah hian triple talaq chu inṭhenna dan tura pawm loh rawt a ni.