India leh Myanmar-in Rakhine state tan inremna ziak

India leh Myanmar chuan Myanmar-a Rakhine state tihhmasawnna tura thawhdunna tur, Memorandum of Under-standing (MoU) an ziak.

Myanmar sipaiten Rakhine state-a Rohingya Muslim te laka beihpui an thlak avangin mi nuai tel chu Bangladesh ramah an tlanchhe tawh a ni. Rakhine state-a la awm zuite pawh an dinhmun a chhe hle.

Rakhine state tihhma-sawnna tura thawhdunna tur thuthlung hi Foreign Secretary S Jaishankar leh Myanmar deputy minister for soial welfare, relief and resettlement U Soe Augn ten an ziak a ni.

External affairs ministry chuan inremna an siam chu Myanmar sorkarin Rakhine state dihmun siamṭhat nan leh,boruak a panngai leh theihna tur a hmalakna puihna tur a nih thu a sawi a, hei bakah hian rampawn lama tlanchhiate pawh an awmna hmun ngai lama an kir leh theihna tura hmalakna kawng khat a ni, a ti.

Tualchhung buaina a chhuah hnua Bangladesh rama Rohingya tlanchhia, an khaw lama an kir leh huna an mamawhte pek an nih theih nan India chuan a pui dawn a, an awmna tur in sakna tur project siam pawh a rawt a ni.