CBI-in 2G case thutlukna khing dawn

Central Bureau of Investigation (CBI) chuan 2G spectrum buaina kaihhnawiha thubuai siamsakte special court-in thiam a chantir chungchang chu court dang zawkah appeal a tum.

Ningani khan special court chuan 2G scam kaihhawiha thubuai siamsak mi 16-te chuan an puhna finfiahna tur rintlak a awm lo tiin thiam alo chantir tawh a ni. An zingah hian telecom minister hlui A Raja leh DMK MP Kanimozhi te an tel.

CBI thupuangtu, Abhishek Dayal chuan agency-in court thutlukna siam hi khinlet a tum chungchang hi thla eng emaw zat ngaihtuah phawt a ni ṭhin tih a sawi a, mahse Ningani-a special court thutlukna siam erawh chuan tihchhuah a nih hnu lawkah a khing let dawn tih a sawi a ni.

CBI hian special court thutlukna hi a khinletna tur Delhi High Court-ah a thehlut dawn nia sawi a ni.

Enforcement Direc-torate (ED) pawhin special court-in 2G spectrum buaina kaihhnawiha thubuai siamsak mi 19-te thiam a chantir chungchang hi khin let a tum bawk. ED official-te chuan agency chuan court thutlukna hi uluk takin an zirchiang leh ang a, high court-ah finfiahna ṭha zawk nen an thlen leh dawn tih an sawi.