Kum 2014 aṭangin armed force-in aircraft 35 hloh

Armed Force-te chuan kum 2014 aṭang khan thlawhtheihna tla vangin aircraft 35 an hloh tawh a, heng zinga 11 chu helicopter a ni. Chetsualna thleng vang hian pilot 14 in nunna an chan tawh bawk.

Minister of state for defence Subhash Bhamre chuan Lok Sabha-a zawhna a chhannaah hei hi sawiin, chetsualna thleng ṭhin laka inveng tur hian ruahmanna hrang hrang pawh kalpui a nih thu a sawi.

Thlawhtheihna tlak chhante hi chhui chiang tura tih vek ni mah se, an chetsualna chhan ber nia sawi chu khawl lam fel loh vang leh, a khalhtu tihsual vangte nia sawi a ni. Hei bakah hian thlawhtheihna hlui tawh vang te, a enkawl zuina ṭhat tawk loh vang te, pilot training neih ṭhat tawk lohte chu chetsualna chhan dang a ni bawk.