NGO 4,842 registration titawp

Union Home Ministry chuan kumin chhungin NGO 4,842 registration a cancel sak.

Ministry of State for Home Kiren Rijiju chuan hemi chungchang hi Rajya Sabha inkhawmah sawiin, NGO-te registration tihtawp sak an nih chhan chu Foreign Contribution Regulation Act (FCRA) in a phut anga kum khat chhunga an sum hmuh zat leh hmuhnate an thehluh loh vang a ni, a ti.

Rajya Sabha-a zawhna ziaka a chhannaah, Rijiju chuan kum 2015 khan FCRA zawm loh vangin NGO 8,500 registration chu tihtawpsak an ni tawh bawk niin a sawi. Kumin chhunga registration tihtawp zat hi sawilan ni mah se, NGO hmingte erawh tarlan tel a ni lo.