Property tax leh tui bill pe turin Taj Mahal hriattir

India rama hmun hmingthang, khualzin tam tak hiptu, Agra-a Taj Mahal chu property tax leh tui bill pe tura hriattirna pek a ni a, hei hi kum 370 chhunga a thlen vawi khatna a ni. Archeological Survey of India (ASI) chuan tihsual palh a nih thu sawiin,siamṭhat a nih thuai an beisei thu an sawi.

Uttar Pradesh sorkar chuan Taj Mahal leh Agra Fort chu bill ba tam tham tak an nei tih hriattirin, ASI hnenah bill ba Rs vaibelchhe khat chuang pe turin a hriattir a ni. Taj Mahal bill pe tura hriattirna hi ṭum hnih dawngin, Agra Fort bill pe tura hriattirna hi ṭum khat an dawng tawh a ni.

ASI official-te chuan monument tan property tax pek a ngai lo tih sawiin, tui bill chungchangah commercial atana hman water connection pawh a hrana lak a awm lo, hei vang hian bill pek tur a awm loh thu an sawi.