ED charge sheet-ah AAP hruaitu Sisodia leh Sanjay Singh hming lang

Enforcement Directorate (ED) in Delhi liquor policy case kaihhnawiha chargesheet a thehluhah Aam Aadmi Party (AAP) hruaitu Manish Sisodia leh Sanjay Singh bakah, Telangana chief minister K Chandrasekhar Rao fanu, Kalvakuntla Kaitha hming pawh an lang.

ED chuan Delhi sorkarin a tihtawp tawh, liquor policy a kalpuinaah hian AAP hruaitute leh midangte hi dik lo taka hlawkna tam tham tak telah a puh a ni. Chargesheet hi Rouse Avenue district court-a special judge hnenah thehlutin, he policy kaihhnawiha money laundering case-a inhnamhnawiha puh, Indospirits MD Sameer Mahendru statement behchhana siam an ni tih an sawi.